لاتنثر ملح بجروحی خلّی اشموع
الباوع للگبور ایلم وجه حزنان

کاسرخاطرک عَلاَقل چامریت
معتازک چنت تنطی اجرت الدفان


حَسّبتک ضوه ایشبگ ظلام الیل
مادری اعله ساعه وتنگلب دخان


راوییتک گلب حته اصفه من المای
تذکر من نظرته اتعجبت یفلان


خلیتک تهد کل ظیم الماءذیک 
شدیته اعله گلبی وماگلت تعبان


افرشلک رمش یشتم ابچف رجلیک
وتسحگه وتگلی اتخیلّک نعسان



صایملک زمن وتصوّر ابلاعید
حّیرت الشهور ودوّخت رمضان



ماعرفک چنت بس  عندي خوش اصحاب
هسه امن الشماته اتجنب الصحبان


شلعیت الگلب خایرت تعگد  وین
خلیتک عجید وگاعد ابدیوان


اکتبّنک شعر بوراقی صوره اتصیر
اِضمّنک وشمك وعتقد حلمان 


تجرحنی اشکثر واتستر اعله الصوت
 
اگلنله جرش ذبیت وی خرسان


دمعی اشمانزل یحفرابخدی اگبور 
اعذرنگ واگولن یحتمل غلطان



لاتسحگ ورد یوگف  گلب فلاح
الیرسم لون بسمه اعله الوجه فنان 


ولاتذرف دمع بی ریحت التمساح 
بعیونک اشوفن داخلک فرحان 


لمّن مارحت صیّحت بُعدک نار
میل اوقات هجرک من یدگ برکان


لیل اموادعک تارکله بحّت نای 
یبچی اهموم خلگه ابواهس الرعیان


طعناتک وکِح یتمنن امفرعات 
احجبهن حیاءً چی ابن معدان


متخوصر ولک موبطر عاین زین
اضم ابخنجرک لایفضح النیشان


رجاءً من تمر سویهه لَ اللّه وروح
اقره الفاتحه وخل گلبی لیه ازیان


الشاعر :ســــــــالـم الســـــاري