للشاعر مهدي مساعد الناصري....

انه ابوي السيف والام السراي 
ونته ظيف وذوله ناسي وديرتي
انته ريشه امدولب ابعاصف سماي
 بالك اتئمن هدوئي وصفنتي
انه افلشك لوردت وبمشتهاي
وطبع ابخدك انامل طكتي
انه نجم اسهيل م" اتجهب ظواي 
طبعي من اختاض تكتل شارتي
انته كل عقلك قرين المستواي 
حجم نمله شلون توصل هامتي
انه مرواح الحجي ومامش سواي 
جبل مومثلك خفيف ابكعدتي
صبري لذعت كيض موراحت افياي
صاحب الصاحب نضيف ابخوتي
توم من زغري الوفه عايش اوياي 
بالتواضع انه فارض هيبتي
بيدي شيطان الشعر يتبع هواي
انه خيال المنصه ابوكفتي
ناخ بعدوله الشعر يطلب رضاي
فرغ ابحور القوافي ابريتي
ماقبلتك تابع اوتمشي وراي 
شلون اقبلك توصل الحد ثايتي
انه كلي اعيون من ويهي الكفاي 
مثل شوف الذيب اميزصيدتي
كضني عنك ولك صدك مستحاي
 مااوصخ بيك راحت يمنتي
انه شاعر والدب يسري بدماي 
والقصيده شرف اسمي وهيبتي
انه مومثلك سفيه ابلايه راي
انه فرزن وين تجمن حصتي
كلي مرحب ياهله وحيا الجاي
كلبي موبيتي مظيف الخلتي
ورق وفكار وقلم كل محتواي
هنه ذني الوصلني الغايتي
هوايه كبلك لاذو ابساتر ذراي
جازو المعروف حركو خيمتي