قصيدة توك جاي ....

توك جــاي
چاوينك گبل من أكل عضمي الشوگ
وآهــات الليـــالي البيـسن بچـــــــلاي
توك جـاي ..؟
چـا وينك گبل من صرت عگبك گيض
يالفگـدك سمـوم ولـهــب طـر أشفـــاي
ماحـن ليـش گـلبـك والهـجـــر تـمــوز
چـا هلبت أجيت وصرت بخت مـــاي
توك جــاي ...!
چـا وينك گبـل مـن صـار خــالي الليل
بـس طـول الفراگ أبـالي رايـح جــاي
مـالچـمــــاك گـلبـك مـن اون أعليـــك
كــل آه الاذبـــها تـرس حـلــگ النــــاي
توك جــاي ...!
اتفـلحـط چــنـت انشــال ونـدگ هيچ
مامـره الشلتنـي وگـلت هـذا أهــــواي
وي حضن الشماته أشلون يدفه الليل
يالنــايم بروحــي بصيـفـها وبشــتــاي
توك جــاي ...!
خـلـصـــت الـعـمــــر ويــــــاك آه وأوه
سـاعه تگول هيـچ وساعه هذا الراي
مـو زعـلان منـك ولك حـتى حمـــود
نكسر واهس الريل وحمد صاح أعضاي
توك جاي ...؟
إلمن جاي ....؟