لشاعر علي الصافي 


واشتريتك شروة الكلش عزيز 
بغالي ماعندي وجنيتك 
يا جكارة مشتهى المسجون انه 
بروح النفس حيل اشتريتك 
ياقداسة كل صليب مرتل كبالك 
تراتيل وبخور شكد قريتك 
الليله من دون الليالي استاحشيتك 
وعذري دخان الجكاير 
تارس عيوني وبجيتك 
وااااخ لو مافشلة الحيف 
وحسافه جان اجيتك
واعتنيتك 
يافضيحة روحي طشت....... كلها تدري بسولة  الحيطان تسمع
 جلمه الليل بأذن كل باب دكه
 وماحجيتك 
خنكة السرداب ساتر. 
...سترت حجايات ظلمه 
كلوب ظلمه.
 ..عيون مشتهيه ضواك ومالكيتك 
البير سرك مو أمان 
الليل للسهران لجمه 
الكمر صاحي لغبشة الله 
وماحسبهن نجمه نجمه 
كلهن بعيني ضوه وتوسميتك 
شيلة الخزامه شمره 
بريسم الدنيه ترافه 
خيوطه حطت بين اديك 
وكل ذنب بالخيط كفره 
وحاسبيتك 
حاسبيتك وإنت تدري 
عتاب اليحب من صدك 
رايدله خاطر 
خاطر بنادم يتوب 
وتوبة السكران حد الأربعين 
وماتبت ياكاس داني 
وراوديتك