للشاعر حيدر عباس البدراوي

روح وروحي تمشي وياك لساتر
واعيشن بس اعيشن عيشت العاجر
ورغم ماعندي ديره حلام ورديات
ماردن الوحشه وأنت مو حاضر
كل ماشوف يمي اثنين يتمشون
يتمشه الدليل لوحده يكابر
من كد ما الك مشتاك شوف الليل
موكلبي اكولن هذا يا شاعر
يحط روحي علجمرات إنتظار الراح
وانزلهه ويردهه عللجمر كافر
وماتدري بغيابك بالجفه اشسويت
راسمتك وونن ونت الخاسر
راسمتك شجر والبعد فاس وحاد
كل مالاح طولك ينكسر خاطر
كل مادك عليك الباب جف الموت
يندك باب كلبي وينتفض  حاسر
كل ماغمضت عيني الاحلام تكوم
بس اشلون كومت شامت آيداهر
وصبر كوه كلبي وباليرد بساع
وعذاري التهى وبس يفرغ يخابر
وآنه اصبر وتاني جيتك للبيت
تدري اشلون اجيكم من تجي باجر
اطشن بالسلف هلهولت أم عريس
وركظلك بجدم الاول الشاطر
وشايف من تفارك أمك اشكم عام
ويكلولك اجتك  اي  يالتناطر
هيج وياك بس بالملكه مدري اشلون
يمكن كاع وحضن طيحت الطاير
ويمكن نار وتلكه الفرات البيك
وطفه ولو طفيت همومي تهاجر
ويمكن ماارد وتشيلني بتابوت
بس ذمه بركبتك حدك العاشر
وعرس لو صدك رايدني افرح بيك
لا تهتم عليه الغايب وحاضر