للشاعر  علي المطاريحي 

احب المطر من يوگع علينه ثنينه بغابه
 احب اشتم عطر نگعان 
احبك يا ثلج تموز
 قناديلك سواجي الوان 
كرهت الناس 
قل بيهه العشگ كلش 
يشوفون اليحب حلمان 
شحلات الضلمه من تنزل 
اشوف العالم بكيفي واقدم للعشگ قربان 
واضيع المستحه بكيفي
 ولا راويه ضوه الشمعه واخلي المستحه نعسان 
السفينه وداعتك 
عميه ولا تسبح اذا مو عينهه الربان 
احس بالمستحه مرايه ولو مرات مو وكته
 يذبل ارواحنه الحرمان 
واخاف احجيك للوادم اعرف حلوگهم مو بير
 سر ضعف الحلك فتان 
الخنگه البيه تشتمك
 مثل شمت طفل لمه 
تعرف  بداخلك انسان
 عليمن هلن رموشك
 اخاف العافيه تخونك ولا كل اليعين نعان 
احس دستورك يونس 
احس دين الصرايف خير تحب تساعد الذبلان 
احبك يا حرز عامل 
جزيت الديره والشبگه
 ولا دربك درب عميان 
احبك يا خمر جنه
 احسّني صدك صاحي وحسّني صدك سكران 
بستني وظلن اثارك عله خدودي  اثر رمان 
اريد الگمر يتونس 
احس گلب الگمر تعبان 
حلاتك نايم بسدي
 وفيي عليك غيم اخضر 
گلب بستان 
الجمال بشفته يشيرك 
هذاك العام من مطرت بگت گطره عله ظافيرك 
ضيعني عشت محتام 
چا شلي بضجيج الناس حريتي بغمگ
 بيرك