للشاعر عقيل الشيباني

تعال اصعد ابروحي صعدت النوگ
على التل واليسوگ الجافله ابده
تعال ازرگ نده وي غبشتي ازروگ
واخذ من عيني نومي اعله المخده
يسن فضه وعليه تتحسر احلوگ
يــريــم ويـــم خــضــار الله تعده 
يمخيط يا ارهــــام الـكـل الفتوگ
بداك الله ويـگـدك ما ابــگـده
يالملبس التنضم بــيــن الطــروگ
يـمــاي الــعــافية بـريـجــي تـبــده 
يهنياله اللگاك بــزحــمــة السوگ
واخــذ مــن شوفتك للحول شــده
يالأدعج يا الأغن يا عيش مصفوگ
يـسـيـف اشـمـا يـگص يندار حده 
يـكـنّـز وبسدر عــريس مـدگوگـ
هداني الله وصرت ملگاك اوده
اشبعد من غيبتك ياهيهّ والشوگ
فتح باب الجهنم گوم سده