محتاجك حضن وكت التصب حالوب
وتغطة برموشك ولتف  بشعرك
وسحب كل نفس من ريتك بشهكات
وتنفس عطر من نحرك وصدرك
وصعد عالشفايف وعبر الجدران
وسلق سواتر لومنع خصرك
ماكلك احبك واني اموت اعليك
بل اني الأكلك عمري من عمرك
افتح باب كلبك ونظر العشاك
تلكاني قديم امزنجر بكلبك
حكم بالعقل لاتحكم بشهوات
ماريدك تروح ابعيد عن فكرك
يالشفافك نهر وجرف بس عميان
وشفافي قوارب تسبح بنهرك
ماحان الوكت وشابك اني وياك
كبل متروح مني وتسكن بكبرك
ولو اني الأغسل وحضن اشماريد
وتحمل قساوة حلوك ومرك
يالعايش دمع بعيوني من حواء
موسهلة اخلي اعيوني اتخرك