للشاعر رحيم السهلاني 

ما كلك نسيتك هسه راح أنساك --
وبعد ما أريد اذكرك وأسمع بطرواك --
يلمضوكك لهفتي من بعد مشوار --
ونت كبال عيني ضوكتني جفاك --
يلمرت عشرتك لا تمرني بطيف --
راح أدفن سنينك يلثلج ملكاك --
راح أنساك يلعايش بدمي ويا هرش بالروح --
يا مفطوم: كوه يا صعب فركاك --
يصوت حسين نعمه بيا غريبه الروح --
ويا غنوة حريمه على الكضن وياك --
يا داخل حسن يا غنوة السبعين --
يا باجي أحبابي والوكت شحاك --
ما الومك وكوول شلون مني تروح --
عتبي على ألوكت تالي العمر حاشاك --
راح أنساك اكلك لا تضن بطران --
ﻷن حرمك وكتي وللغريب اهداك --
شتضن سهله السنين وسهر ذاك اليل --
وحر الصيف كله وبرد ذاك اشتاك --
يمفرهد سنيني والسنين كصار --
أنه طيتك عمر تاخذ وكلك هاك --
فاركتك جسم حكم ألله هيج يكول --
بس جيب أليهود الكلب عن ذكراك --
بس جيب أليهود الكلب عن ذكراك..