( خد الماي ) 

أذكرني
وخذ من عندي
هاي وهاي
ياسبّاح گلبي 
المارواه الماي
يسنين العمر
يلذبلاهه الظيم
ومگالب گضاهه
الليل بس وياي
امد العين كوسر 
ونتچي اعله الروح
وسنينك محطه 
وعاكساهه الراي
اطشر مستحاي
والعب انه وياه
وسنيني جهنم 
داورت دنياي
دليني اعله بابك
ياكتر مفتوح
يلقافل نصيبك 
وي نصيب اصباي
يانجمه وسمه 
مفروشه هاي العين
خليني اذكرك
يلنسيت ارباي
يلعابر مهجتي
اخياط فوگ اخياط
تخاف من الهمس
كلك جدم بهداي
صباح العيد وجهك
من يمر طاريك
ياشمس العصاري 
ابلون خد الماي
ادور مشتهاي
وانت عني ابعيد
تعبني حزنك
گلبي صار افياي
تيهني العمر 
مفتاح اعمه وضاع
يدور عالقفل 
ويصيح بي شراي
مطبوگه الحواجب 
مثل طبگة ليف
لاگاع التلمني 
ولا اشوف اسماي
بولايه غريبه 
ولابسه الاطوار
ياطور اليكضني
ابچفه اصيرن ناي
ما ادري القدر 
يفتل هوانه اردود
ويفزز عواطف
نايمه من اسنين
وواجه من ملامح 
وجهك المتعوب
ايام الصبا 
ودموع هاي العين
اظل واگف 
اجدامي تشيلني
من الگاع
وحس چف اليمين
يصير بي چفين
وحس چف اليسار
من الجذر مشلول
لان گلب اليحبك 
ينفطر نصين
اذكر هوانه المستحي
من الناس
من يحضن الگاع 
عيون خجلانه
وذكـر الشارع 
من يمر طاريك
كله يكوم شفه
 يبوسني اهنانه
وذكر مواعيد
الترف بالليل
وگلوب ابابكم 
مكسوره بيبانه
مو حتى الگمر
خوفني ظل سهران
ودموعه ضوه 
من اطيح نعسانه
على گصر الطريق 
السالفه من اتطول
مانهوه السوالف
هي تهوانه
بعد كل العمر
ومدافع الايام
وهموم البنت 
بعشوشهه السانه
تخورس مانطق 
بعيونه من تقراه
من عرگة جبينه
اتبين الوانه