( القسمه ))

العافتني. ومشت. لاتحچي بالقسمه
 اهو ماي الوجه لوطاح. شيلمه

صفنتلها وشفت معنه اليوافي يضيع
تره الماله عرف بالغربه عاش اعمه

ماينسه تره المشحوف صدرالماي
اخوالمكتول يبقه يطالب. بدمه

لاتسئلني وين الماخذتني انصاف
الاعمه شماسمع كاري الضوه يلجمه

اكفر بالضوه الماترس عين الناس
وغم كل عشره تبدي و تنتهي بچلمه

بشر يكره الشيب وشايله اعله الراس
تكبره المايحس لورايد اتذمه

يضحك من يشرع للوجوه الباب
الاشر صوچ چفه شگالت القسمه

السفينه شگالت ويحجي بضهرها الماي
عالمتونه غفت. من شالها. بهمه

من شفت المشت كضت جفوف الليل
ماذليت روحي ولاصرت. نجمه

وانكث بالجفن حته الاحلام اطيح
المابيها مطر چا المن. امغيمه

شعجب كفن چفوفچ بيده من كضاج
ماگتيله بيهن شاكل الذمه

گتيله الجفن ينسد شما مر طيف
الزلف گتيله غيرك محد ايلزمه

ليله احترگ واحچي الصورچ بيج
ويردن ذبلت الماعرفت اتلمه

وعذرتج من شفت ركضت الخنجر ثار
بس المشكله الرحتيله مو. زلمه

وگتلج بالدمع. حده الجفن ويموت
عله جدم المسافر. تثگل.  الندمه

تره من ضيمها شماضحكت البيبان
المايمشي اعله رايه وينهطر. زحمه

من يفزع ضوه للهندس الفانوس
يشعل روحه كله الخاطر اللمه

بكبره وعايش ومتونس البسمار
من شاف الجفوف العوجته اذمه