الشاعر واثق الشويلي 


فارگتني اوجرت بضلوعي نار 
وبيه عافت برزخ وذاك اللهب 

و گالت اعذرني يولفي ومالي صوچ 
صوچ امي وداعتك هيه السبب 

صوچ ابوي الچلب بچلمة عمام 
وهيه هاي سوالف احكام النسب 

هيج زفوني لشخص ماعده راي 
وخلو الزنجار عاش ويلذهب 

بس وحق سوالفج مامش ضمير 
براس ابوج الابد مايسوه العتب 

خله دمعي بوجنتي يسويله نيل 
وخله روحي دور گبور وخشب 

يجبل الشامت علي وبصبري الوذ 
خلص صبري وحتى اصابيعي انگظن 

  صورچ بعيني بقن متعلگات 
ردي عدي سوالفچ ما ينسن 

حالي بعدچ يشبه احوال اليتيم 
العاين اعله أمه يشيعهه الضعن 

مات گلبي وداعت الميت غريب 
وگمت اشوف الدنيا تابوت وچفن 

وهوه حتى العاقدچ ماريد اگول 
چان  گاللهم شبيهه عيونها 

چان گاللهم شني الدم اليسيل 
وشنهي ذاك الصوط فوگ  متونها 

وهوه لو يعرف علي وحكم الرسول 
چان  ما خلاهم  يعقدونها 

وكون ادري احلامي تنباگ منبوچ
چا نهبتچ والعگل ينسونها 

وهيه مو كل ناهبه نذب بيهه صوچ 
الصوچ من المارضو  ينطونها