شو تعالي " للشاعر "   كاتب السعيدي 
شو تعالي
وخل اسولفلج سوالف بيها رده من البخور
تنشم وما تنسمع
شو تعالي 
وخل اسولفلج سوالف خامره سنين بلهاتي
ضكت وما تنبلع
شو تعالي
وصيري غيمه ودثي بسنيني الكفار
بلكت يطك عود بيهن 
كمنه نحلف بلخظار
شو تعالي
وهبي بسنيني شمال
بنكهة الجوري الحنين
بطور داخل من يجر ذاك الونين
بغبشت الصيف الذيذه
وكل اغانينه القديمه
البستعالو ويا حريمه يا حريمه
ولو
فاتناي القطار
وخلصت عمري انتظار
وكطعت عيني عله دربج
بلكت الله ويحن كلبج
بكلشي ارضه ولو لحظه
المهم بعيونج احظه
الماكدر يحجي القصيده يكيف منيكول ومضه
شوتعالي
وكافي خوف وكافي حيره
وخل اسولفلج سوالف 
هاي فرصتنه الاخير