وين الگه العل جرح يرهم" للشاعر " حسين الزرگاني
طبعي ميزان وي ربعي ومو خفيف
وهيبت الميزان تنزل
جفته
تدري مو كلشي كثر معنا ثگيل
فرق شوف الريش كثره وخفته
هوه مو كلشي خضر تلگاله
ريح
هم شفت عاگول
لذت شمته
عبره اخذ من الگمر وفهمها زين
شما كبر يرجع
هلال بشوفته
واگف الناعور بس فضله جبير
تروي عطش الگاع دورت فرته
ابعد شما تبعد انته تضل عزيز
الهيل تدري يرغب
من قلته
وصدره صندوگ الرجل لو مايبوح
الزين يطلع ينعرف
بحجايته
كون ملگه ابن امي صاحب هيج اريد
وكون صار سنين
عنه بغيبته
كون مرمر هيج ايرده ومايلين
الذيب عينه مفتحه حته بنومته
ما اريدنه حلم
يغضه ويروح
ولا اريدنه سراب
بعشرته
گبل لا صيحن
يهد بالموزمات
ومن اريدن ماي
تروي گصته
صير فلاح بشرط
بس بسدور
تزود ملاج الذنايب
حصته
الگصبه ميته بس ترد عيشتها ناي
اطيب جروح شكثر
يادگته
تغزر اطباع الملح
لمن يذوب
وتدري عد الله شكبرهه حوبته
وانه رايد وجهه
مارايد گفاه
النخل تدري من الگلب كل طيبته
طبعي هاون وحمل شما دگ مضيف
وهوه مطي صيته
كله لدلته
ربعي صرت الهم شجر ومفيي صيف
بفوس فزعو ليه من صار الشته
التعليقات