الشاعر :- شاكر محمود 

ملكه الموادع شدهني 
وسرفنت حزني اعله حيلي بكل قصيده 
الفارك احضان الحبيب   
يغفه بأحضان الجديدة
ومن جفيت
 الهندس تشلبه اعله روحي 
وكل درك غافي بجهنم فكلي باب 
عاشرت طيفك سراب 
نيتي ابيض من لفاليف العجوز 
وياك لكن ما عرفت دريت الحب رياء 
مثل ذاك الكصته مسجونه بسجود 
وجان يتوضه بدماء 
وسيست بنيان روحي ومادريت 
انه كل ساعه انهدم 
مثل عاجر تطلك بسابع حلم
الليل مكبره الاحياء وبرزخ الفارك ولف 
انت شايل زينه الدنيا اعله متنك 
وانه شايل كل تنانير السلف 
وانت وينك   
يا ونيس الشوف وينك 
شنهي ما هزك حنيني ولا حنينك 
ولا سنيني السطرتهن مثل ارقام المساطر 
حودبت خلكي اعله حزنك وانه شاعر 
.