بين امي وحبيبتي… 

عندما سئلتني حبيبتي م̷ـــِْن ڵـهٍ المكان الاكبر في قلبك انا ام امك

بحر امي بكلبي اضن كطره انتي بيه
هيه عافيتي وضحكتي من الزغر

ايده كرصت خبز تروي الفقير
وترفه ملكاهه بهلا ينكط عطر

يوم اذا مااشوفه احسآ ضرير
نضر عيني شلون اشوف بلا نضر

هسه خم جسمي وحقك تلكا بيه
احروف اسمها التجري بيا بكل كتر

امي خيمه من اكعد احذاها انستر
امي من احجي بطواريها  افتخر
امي بين اذراعها تنوم السهر
امي هيه العلمت حتى الصبر
امي من احجي بكرمها مااخلص للفجر

الورده ينقذه النده ويرويها ماي
وهيه تفتحله حضنها ودارها

وامي فتحت بابها وملكاها حار
وماكو واحد سئل عن اخبارها

تواصل الما واصل الها وتعتنيه
تعزب بضحكت هلا الخطارها

واليطيح بشده بس تسمعله صيت
تخلص الشده بطراف اوزارها

البيت من دون امي احسا بيه غريب
فاهيه النخله بلا جمارها

ياحبيبي كلبي صح كطره انته بيه
الفضل لمي الكالت انه اختارها