مدري اشمالها اعيوني وتلوليلك..
تعت بيه بطواري الشوگ سهرانه..
يذبلها حنين وصفت بس اوشال ويخفت كل ضواها وحيل ذبلانه..
#يناسيني اشذنب عيني التصد لهناك تتنطر..
يناسيني العتب مسموع وأنه بعازت اليگدر..
يناسيني الذنوب أهواي وأول ذنب حبيتك ..
ولو مهمومه وبنفسي تعاي ومااندليتك..
وشنو المضموم يادنيه وبعد كافي..
ومن زغري وحملت اهموم يادنيه على اچتافي..
وهسه اشلون يادنيه العمر مرخوصلج فدوه ..
لچن عافيتي دم مهدور كلها ابراحة اليهوه..
چم واحد تعمد يسلب من الروح راحتها..
يدنيه الخاطرالله اهواي تعبانه
وحته الفرح لوچهبه يسد بوجهي بيبانه ..
مدري اشمالني وحبيت ع الفطره بعشگ مفضوح..
ويالماخذ ضحكتي وياك اني اگبالك انسانه..
وشنو المطلوب من عندي واعيش بهيده وبلا اخ..
وع يامال تعبانه ونصيبي المالحگت ارتاح..
شنو ذنبي اضحك الناس واني بعيني الف دمعه..
شنو ذنبي أرش بالياس والف ميت بروحي وميت القداح..
#چايمته_ارتاح ..
ويهنياله التوسد ليله بفراشه وصفت روحه..
ويهنياله الغفت عينه ع اجروحه..
ويالماخذ تفاصيلي وضحكتي ولهفة الملگه..
تعال تلوگلك روحي وسماري المالح بحرگه..
تعال الروح ترفه وعيني تبرالك..
تعال اغفه بسماري وروحي گدامك تعال اسوالفك فشله
وحياتك مالهن داعي..
تعال انفض عتابك كله بشراعي..
ومدري اشمالها اعيوني وتلوليلي بخبر كانه..
ومدري اشبيه محتامه اعله نيرانه...
ويذبلها الحنين وصفت بس اوشال
ويخفت كل ضواها وحيل ذبلانه..
التعليقات